საფრანგეთში, ქალაქ ნანტის სკოლაში ცივი იარაღით თავდასხმის შედეგად ერთი მოსწავლე დაიღუპა და სამი დაშავდა. ამის შესახებ ინფორმაციას გამოცემა Reuters-ი ავრცელებს.
პოლიციის პრესსპიკერის ინფორმაციით, ნოტრ-დამ-დე-ტუტ-აიდის კერძო სკოლაში, 15 წლის თავდამსხმელი პოლიციის მოსვლამდე მასწავლებლებმა განაიარაღეს. მისივე განცხადებით, ტერორისტული მოტივის დამადასტურებელი ნიშნები არ არსებობს.
ფრანგული მაუწყებლის franceinfo-ს მიერ გავრცელებული ინფორმაციით, ცივი იარაღით თავდასხმა მოსწავლეებს შორის კონფლიქტს მოჰყვა.
