ირანის უმსხვილეს პორტში, აფეთქების შედეგად 750-ზე მეტი ადამიანი დაშავდა | გაიზარდა დაღუპულთა რიცხვიც
გამოქვეყნდა:
სამხრეთ ირანში, სპარსეთის ყურის სანაპიროზე, ბანდარ-აბასის პორტში აფეთქების შედეგად დაღუპულთა რიცხვი რვამდე გაიზარდა. დაშავებულია 750-ზე მეტი ადამიანი. მედიის ცნობით, ნანგრევებში მოყოლილი არიან ადამიანები. ხანძრის ჩაქრობას კი ვერტმფრენებით ცდილობენ.
წინასწარი ინფორმაციით, პორტში ერთ-ერთი კონტეინერი აფეთქდა.
ადგილობრივი მედიის ცნობით, აფეთქება პორტის იმ ნაწილში მოხდა, სადაც ქიმიური ნივთიერებების კონტეინერები ინახება.
თავდაპირველად გავრცელებული ინფორმაციით, დაღუპული იყო 5 და დაშავებული იყო 500-ზე მეტი ადამიანი.
