BBC: ნეთანიაჰუმ პირობა დადო, რომ თელავივის ბენ გურიონის აეროპორტზე თავდასხმის გამო ჰუთებზე შურს იძიებს
გამოქვეყნდა:
ისრაელის პრემიერმინისტრმა ბენიამინ ნეთანიაჰუმ პირობა დადო, რომ თელავივის ბენ გურიონის აეროპორტის მიმდებარე ტერიტორიაზე თავდასხმის გამო ჰუთებზე შურს იძიებს. ამის შესახებ ინფორმაციას BBC-ი ავრცელებს.
"ჩვენ წარსულში თავს დავესხით, მომავალშიც შევუტევთ" - განაცხადა ნეთანიაჰუმ.
ადგილობრივი მედიის ცნობით, ნეთანიაჰუ რეაგირების განსახილველად, დღეს, მინისტრებთან და თავდაცვის წარმომადგენლებთან შეხვედრას გეგმავს.
ასევე, ისრაელის თავდაცვის მინისტრმა, ისრაელ კაცმა, განცხადებაში აღნიშნა - "ყველას, ვინც ჩვენ დაგვესხმება, ჩვენ შვიდჯერ უფრო ძლიერად დავარტყამთ".
შეგახსენებთ, რომ ჰუთების ბალისტიკური რაკეტა თელავივის ბენ გურიონის აეროპორტის მიმდებარე ტერიტორიაზე ჩამოვარდა. აფეთქების შედეგად ოთხი ადამიანი დაშავდა, კიდევ ორი დაშავდა თავშესაფრისკენ მიმავალ გზაზე.
