აშშ-ის ვიცე-პრეზიდენტი ჯეი დი ვენსი ამბობს, რუსეთი უკრაინაში ომის დასრულების მიზნით სამშვიდობო მოლაპარაკებებში „ძალიან ბევრს მოითხოვს".
აშშ-ის ვიცე-პრეზიდენტის თქმით, რუსები ამჟამად გარკვეული მოთხოვნებისა და დათმობების ერთობლიობას აყენებენ, რომლებიც მათი აზრით, აუცილებელია კონფლიქტის დასასრულებლად - „ჩვენ გვჯერა, რომ ისინი ძალიან ბევრს ითხოვენ“, - აღნიშნა ვენსმა.
ამავდროულად, მან დასძინა, რომ უკრაინელები დიდ როლს ასრულებენ მოლაპარაკებებში:
„ისინი, სულ მცირე, პირდაპირი კონფლიქტის მხარეები არიან. და ჩვენ უნდა დავსვათ კითხვა: რა სჭირდებათ უკრაინელებს ამ კონფლიქტის წარმატებით დასასრულებლად?“ - აღნიშნა აშშ-ის ვიცე-პრეზიდენტმა.
