პოლიტიკური პარტიების აკრძალვასთან დაკავშირებული საკანონმდებლო ცვლილებათა პაკეტი "ოცნების" პარლამენტმა მესამე მოსმენით მიიღო
გამოქვეყნდა:
პოლიტიკური პარტიების აკრძალვასთან დაკავშირებული საკანონმდებლო ცვლილებათა პაკეტი "ოცნების" პარლამენტმა მესამე მოსმენით მიიღო.
"ოცნების" დეპუტატებმა „მოქალაქეთა პოლიტიკური გაერთიანებების შესახებ“ და „საკონსტიტუციო სასამართლოს შესახებ“ კანონებში დაგეგმილ ცვლილებებს 80-ხმით, ერთხმად დაუჭირეს მხარი.
ცვლილებების პაკეტის თანახმად, საკონსტიტუციო სასამართლოს შეეძლება აკრძალოს პარტია, რომლის განცხადებული მიზანი და საქმიანობის არსი სასამართლოს მიერ უკვე აკრძალული პარტიის გაცხადებულ მიზანსა და საქმიანობის არსს იმეორებს.
