ნიკოლ ფაშინიანი და ილჰამ ალიევი ერთმანეთს ალბანეთში მიმდინარე სამიტის ფარგლებში შეხვდნენ
გამოქვეყნდა:
ევროპის პოლიტიკური თანამეგობრობის მეექვსე სამიტის ფარგლებში, ალბანეთის დედაქალაქ ტირანაში , სომხეთის პრემიერ-მინისტრ ნიკოლ ფაშინიანსა და აზერბაიჯანის პრეზიდენტ ილჰამ ალიევს შორის ხანმოკლე შეხვედრა გაიმართა. არსებული ინფორმაციით, მხარეებმა გაცვალეს მოსაზრებები ორ ქვეყანას შორის ურთიერთობებზე, სამშვიდობო ხელშეკრულებასა და სხვა საკითხებზე.
პრემიერ-მინისტრ ნიკოლ ფაშინიანის მიერ გავრცელებულ ვიდეოში ჩანს, რომ ორი ლიდერის ცალკე შეხვედრის შემდეგ, მათ საგარეო საქმეთა მინისტრები არარატ მირზოიანი და ჯეიჰუნ ბაირამოვი შეუერთდნენ.
