The Economist-ის ჟურნალისტი: მედინსკიმ უკრაინის დელეგაციას უთხრა, რომ "რუსეთი მზადაა სამუდამოდ იბრძოლოს“
გამოქვეყნდა:
რუსეთის დელეგაციის ხელმძღვანელმა, ვლადიმერ მედინსკიმ უკრაინულ დელეგაციას უთხრა: „შესაძლებელია, რომ ამ მაგიდასთან მსხდომთაგან ზოგიერთმა კიდევ უფრო მეტი საყვარელი ადამიანი დაკარგოს. რუსეთი მზადაა სამუდამოდ იბრძოლოს“ - ამის შესახებ ინფორმაციას The Economist-ის ჟურნალისტი, ოლივერ კეროლი ავრცელებს.
კეროლი ინფორმირებულ წყაროზე დაყრდნობით წერს, რომ რუსმა პოლიტიკოსმა მოლაპარაკებებზე შვედეთის წინააღმდეგ, ჩრდილოეთის ომი გაიხსენა:
„ჩვენ არ გვინდა ომი, მაგრამ მზად ვართ ერთი, ორი, სამი წელი ვიბრძოლოთ, რამდენი ხანიც არ უნდა დასჭირდეს. ჩვენ შვედეთს 21 წელი ვებრძოდით. რამდენ ხანს ხართ მზად ბრძოლისთვის?“ - უთხრა მედინსკიმ უკრაინელებს, ჟურნალისტის ცნობით.
სტამბოლში, უკრაინა-რუსეთის მოლაპარაკებები თითქმის 2 საათი მიმდინარეობდა.
