უკრაინამ რუსეთის სამხედრო მატარებელი გაანადგურა | ზაპოროჟიესა და ყირიმის ოკუპირებულ ტერიტორიებზე ოკუპანტების სარკინიგზო მომარაგება შეფერხებულია
გამოქვეყნდა:
უკრაინის დაზვერვის მთავარი სამმართველოს ცნობით, უპილოტო საფრენი აპარატების ოპერატორებმა, ოკუპირებული ზაპოროჟიეს ტერიტორიაზე, ოკუპანტების საწვავით სავსე მატარებელი გაანადგურეს. მიზანმიმართული დარტყმა რუსების ლოჯისტიკის ობიექტზე განხორციელდა ვერხნი ტოკმაკ-მოლოჩანსკ-ფედოროვკას სარკინიგზო მონაკვეთზე, მატარებლის გადაადგილების დროს. დაზვერვის მონაცემებით, განადგურდა საწვავის სულ მცირე 3 ავზი. უკრაინის დაზვერვის განცხადებით, ზაპოროჟიეს ოლქისა და ყირიმის დროებით ოკუპირებულ ტერიტორიებზე რუსეთის საოკუპაციო ძალების რკინიგზის საშუალებით მომარაგება შეფერხებულია.
