დღეს დადასტურებული 472 შემთხვევიდან 230 აჭარიდანაა, 134 - თბილისიდან - ენდელაძე
გამოქვეყნდა:
თბილისის ინფექციური საავადმყოფოს ინფეცქიური პათოლოგიებისა და შიდსის ცენტრის ბოქსირებული განყოფილების უფროსის, მარინა ენდელაძის თქმით, დღეს, 8 ოქტომბერს საქართველოში დადასტურებული 472 ახალი შემთხვევეიდან 230 პაციენტი აჭარიდანაა, 134 - თბილისიდან
აჭარიდან გახლავთ 230 პაციენტი, თბილისიდან - 134 პაციენტი, იმერეთიდან - 68, სამეგრელო-ზემო სვანეთიდან - 8, ქვემო ქართლიდან - 8, გურიიდან - 8, სამცხე-ჯავახეთიდან - 8, კახეთიდან - 5, შიდა ქართლიდან კი 6 პაციენტი - ამბობს ენდელაძე.
ამასთან, ენდელაძის თქმით, 60 პაციენტი არის კრიტიკულად მძიმე, მათ შორის 49 მართვით სუნთქვაზეა და 9 აფხაზეთის ოკუპირებული ტერიტორიიდანაა გადმოყვანილი.
აქვე, დღეს, 8 ოქტომბერს საქართველოში კორონავირუსით ინფიცირების 472 ახალი შემთხვევა დადასტურდა, გამოჯანმრთელდა 318 ადამიანი, 3 კი გარდაიცვალა.
დღევანდელი მონაცემებით საქართველოში თებერვლიდან 10 000-ზე მეტი ადამიანი ინფიცირდა
ბოლო მონაცემებით:
- კორონავირუსით ინფიცირებულია - 10 225
- გამოჯანმრთელებულია - 5 553
- მათ შორის გარდაცვლილია - 66
- კარანტინის რეჟიმში რჩება - 5 574
- კოვიდ სასტუმროში მყოფი პირები - 1 338
- სტაციონარში მეთვალყურეობის ქვეშ - 836, მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
ბოლო მონაცემებით, მსოფლიოში ინფიცირებულთა საერთო რაოდენობამ 36 მილიონს გადააჭარბა, მათგან გამოჯანმრთელდა, თითქმის, 28 მილიონი ადამიანი და გარდაიცვალა 1 მილიონზე მეტი.
