დღეს დადასტურებული 569 შემთხვევიდან 207 აჭარიდანაა, 168 - თბილისიდან - ენდელაძე
გამოქვეყნდა:
თბილისის ინფექციური საავადმყოფოს ინფეცქიური პათოლოგიებისა და შიდსის ცენტრის ბოქსირებული განყოფილების უფროსის, მარინა ენდელაძის თქმით, დღეს, 13 ოქტომბერს, საქართველოში კორონავირუსის დადასტურებული 569 შემთხვევიდან 207 აჭარიდანაა, 168 - თბილისიდან.
როგორც ენდელაძე ამბობს, კოვიდშემთხვევების რეგიონული განაწილება ასეთია:
- 207 - აჭარა
- 168 - თბილისი
- 117 - იმერეთი
- 25 - შიდა ქართლი
- 24 - სამეგრელო - ზემო სვანეთი
- 8 - გურია
- 7 - ქვემო ქართლი
- 5 - 5 - კახეთი და მცხეთა-მთიანეთი
- 3 - სამცხე - ჯავახეთი
ამასთან, მარინა ენდელაძის თქმით, აქტიური შემთხვევებიდან 50 პაციენტის მდგომარეობა კრიტიკულად მძიმეა - 31 ადამიანი ინვაზიურ მართვით სუნთქვაზე იმყოფება. პაციენტებიდან 7 აფხაზეთის ოკუპირებული ტერიტორიიდანაა გადმოყვანილი, 1 - ცხინვალიდან.
აქვე, ბოლო 24 საათში საქართველოში 9 კოვიდინციფირებული გარდაიცვალა, დაინფიცირდა 569 ადამიანი და გამოჯანმრთელდა 329.
ბოლო მონაცემებით საქართველოში:
- კორონავირუსით ინფიცირებულია - 12841
- გამოჯანმრთელებულია - 6867;
- მათ შორის გარდაცვლილია - 102;
- კარანტინის რეჟიმში რჩება - 5590
- კოვიდ სასტუმროში მყოფი პირები - 1393
- სტაციონარში მეთვალყურეობის ქვეშ - 836, მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
ბოლო მონაცემებით, მსოფლიოში ინფიცირებულთა საერთო რაოდენობამ 38 მილიონს გადააჭარბა, მათგან გამოჯანმრთელდა, თითქმის, 29 მილიონი ადამიანი და გარდაიცვალა 1 მილიონზე მეტი.
ვითარება რუსთაველის გამზირზე | "მთავარის" სპეცეთერი
უყურეთ ბოლო გამოშვებას
