ქუთაისის საკრებულოს წევრს "ქართული ოცნებიდან", მერაბ კვიცარიძეს, კორონავირუსი დაუდასტურდა. ავტოქარხნის მაჟორიტარ-დეპუტატს ცხელების სიმპტომი გუშინ დაუფიქსირდა, დღეს კი ტესტის პასუხი კოვიდდადებითი აღმოჩნდა.
აქვე, ბოლო 24 საათში იმერეთში კორონავირუსის რეკორდული რაოდენობა დაფიქსირდა-საქართველოში დადასტურებული 680 შემთხვევიდან 150 ინფიცირებული სწორედ ამ რეგიონიდანაა.
ბოლო მონაცემებით საქართველოში:
- კორონავირუსით ინფიცირებულია - 13521
- გამოჯანმრთელებულია - 7159;
- მათ შორის გარდაცვლილია - 109;
- კარანტინის რეჟიმში რჩება - 5590
- კოვიდ სასტუმროში მყოფი პირები - 1393
- სტაციონარში მეთვალყურეობის ქვეშ - 836, მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
ბოლო მონაცემებით, მსოფლიოში ინფიცირებულთა საერთო რაოდენობამ 38 მილიონს გადააჭარბა, მათგან გამოჯანმრთელდა, თითქმის, 29 მილიონი ადამიანი და გარდაიცვალა 1 მილიონზე მეტი.
