მრევლს უნდა ეკეთოს პირბადე, დაიცვას დისტანცია - საპატრიარქომ მღვდლებს SMS გაუგზავნა

საქართველოს საპატრიარქომ მღვდლებს SMS შეტყობინება გაუგზავანა და საეკლესიო მსახურების დროს მრევლს რეკომენდაციების დაცვისკენ მოუწოდა. ამის შესახებ ინფრომაცია, საპატრიარქოს პრესსამსახურმა, მამა ანდრია ჯაღმაიძემ Facebook-ზე გაავრცელა.

"დღეს მღვდელმსახურებთან საპატრიარქოსაგან დაიგზავნა სმს შეტყობინება, საჭიროა მსახურებისას, მრევლმა გამოიყენოს პირბადე, დაიცვას დისტანცია, მსახურების შემდეგ მოხდეს ტაძრის დამუშავება სადეზინფექციო საშუალებებით", - წერს მამა ანდრია ჯაღმაიძე.

აქვე გეტყვით, რომ ბოლო 24 საათში საქართველოში კორონავირუსით ინფიცირების 958 ახალი შემთხვევა დადასტურდა, გამოჯანმრთელდა 214 ადამიანი, 4 კი გარდაიცვალა.

ბოლო მონაცემებით საქართველოში:

• კორონავირუსით ინფიცირებულია - 16 285;
• გამოჯანმრთელებულია - 7 827;
• მათ შორის გარდაცვლილია - 128;
• კარანტინის რეჟიმში რჩება - 5 900;
• კოვიდ სასტუმროში მყოფი პირები - 1 388;
• სტაციონარში მეთვალყურეობის ქვეშ - 836, მათ შორის საქართველოში სამკურნალოდ გადმოყვანილია - 41 პაციენტი.

შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.

ბოლო მონაცემებით, მსოფლიოში ინფიცირებულთა საერთო რაოდენობამ 39 მილიონს გადააჭარბა, მათგან გამოჯანმრთელდა, თითქმის, 30 მილიონი ადამიანი და გარდაიცვალა 1 მილიონზე მეტი.