დღეს საქართველოში COVID-19-ის შემთხვევების საერთო რაოდენობამ 20 000-ს გადააჭარბა
გამოქვეყნდა:
საქართველოში კორონავირუსის დადასტურებული შემთხვევების საერთო რაოდენობამ, 26 თებერვლიდან დღემდე, 20 000-ს გადააჭარბა და Stopocov.ge-ს ბოლო მონაცემების მიხედვით, ეს რიცხვი 21 208-ს აღწევს.
21 208 ინფიცირებულიდან, გარდაიცვალა 172 პაციენტი, 9 003 კი გამოჯანმრთელდა.
ქვეყანაში ინფიცირების შემთხვევების თითქმის ყოველდღიური რეკორდული მატება სექტემბერში დაიწყო - თუ 1 სექტემბერს საქართველოში კოვიდშემთხვევების საერთო რაოდენობა 1 510 იყო, 30 სექტემბერს მონაცემი 6 192-მდე გაიზარდა.
საქართველოსთვის კიდევ უფრო მძიმე ეპიდემიოლოგიური თვე ოქტომბერი აღმოჩნდა. საერთო შემთხვევების რაოდენობა 1 ოქტომბრიდან დღეის, 21 ოქტომბრის ჩათვლით, 6 640-დან 21 208-მდე გაიზარდა.
ზაფხულის შემდეგ კოვიდშემთხვევების სწრაფი ზრდა კარგად ჩანს შესაბამის გრაფიკზეც:
კორონავირუსის შემთხვევების რეკორდულ მატებას სიკვდილიანობის ზრდაც მოჰყვა. თუ 1 სექტემბერს გარდაცვლილთა რაოდენობა 19 იყო, დღეს ეს რიცხვი უკვე 172-ია [იხ.გრაფიკი]
შეგახსენებთ დღევანდელ მონაცემებსაც - 21 ოქტომბერს ვირუსით დამატებით ინფიცირდა რეკორდულად ბევრი - 1 351 ადამიანი, გამოჯანმრთელდა 337 და გარდაიცვალა 14.
(გრაფიკებისა და ზოგადი მონაცემების წყარო: Worldometers.info)
