2015-2020 წლებში ხუთი მასშტაბური ძარცვა, წაღებული ფული და მიმალული თავდამსხმელები - "საოცნებო" სტატისტიკა

მაშინ, როდესაც საქართველოს პრემიერმინისტრს მკვლელობა, ძარცვა, ყაჩაღობა და შესაბამისად სხვისი უბედურება მხოლოდ სტატისტიკა ჰგონია, მაშინ, როდესაც ქვეყნის არაფორმალურმა მმართველმა პოლიტკური ქულების დასაწერად ჯერ კიდევ მისი მმართველობის დასაწყისში ციხის კარებები გახსნა და საშიში კრიმინალები ქუჩაში გამოუშვა, ხოლო მათ მიერ ჩადენილ დანაშაულებებზე გაგებით მოკიდება გვირჩია, მაშინ, როდესაც "ოცნების" ერთ-ერთმა მჭევრმეტყველებით გამორჩეულმა მინისტრმა ალექსანდრე ჭიკაიძემ დაგვამშვიდა, რომ კრიმინალი ქვეყანაში თავს კარგად გრძნობდა, ბოლო დროს განვითარებული მოვლენები თითქოს აღარ უნდა გაგვიკვირდეს.

ვიდრე გასული წლების სტატისტიკას გაგაცნობთ მოგიყვებით ფაქტს, რომელიც დღეს მოხდა. ქობულეთში "საქართველოს ბანკის" მიმდებარე ტერიოტირაზე ინკასატორი დააყაჩაღეს და 55 ათასი ლარი წაიღეს. თავდასხმა მაშინ მოხდა, როცა ინკასატორი, აპარატიდან თანხას იღებდა. თვითმხილველები ამბობენ, რომ მძარცველი მარტო იყო და თანხის გატაცების შემდეგ, ადგილიდან მიმალვა მოასწრო. 

ახლა მივყვეთ სტატისტიკას. 

• 2015 წლის 12 ნოემბერს ჭავჭავაძის გამზირზე „პროკრედიტ ბანკის“ ფილიალი დააყაჩაღეს. იარაღის მუქარით თავმდამსხმელებმა 15 000 ლარამდე წაიღეს. 
• 2016 წლის 29 სექტემბერს ცოტნე დადიანის ქუჩაზე მდებარე ერთერთი ექსპრეს ფილიალი ოთხმა პირმა "პისტოლეტის" ფორმის სანთებელას მუქარით, დააყაჩაღეს. 

სტატისტიკის მიხედვით უკვე 2017 წლიდან ბანკებისა და მიკროსაფინანსო ორგანიზაციების ძარცვა სულ უფრო მასშტაბურ ხასიათს იძენს. განსაკუთრებით მძარცველები დეკემბერში გააქტიურდნენ. 

საქართველოს ბანკის ერთერთი ფილიალი დააყაჩაღეს ჯერ 11 დეკემბერს, ასევე საქართველოს ბანკის კიდევ ერთ ფილიალს თავს დაესხნენ 12 დეკემბერსაც. 29 წლის შეიარაღებული მამაკაცი ბანკში შეიჭრა და მოლარე-ოპერატორს ცეცხლსასროლი იარაღის მუქარით დიდი ოდენობით ფული გასტაცა.

• 2017 წლის 18 და 19 დეკემბერს  „საქართველოს ბანკის“ ორი ფილიალი დააყაჩაღეს. ძარცვა წერეთლის გამზირზე და ისანი-სამგორის რაიონში მდებარე ფილიალებში მოხდა. 
• 2017 წლის 30 დეკემბერს "საქართველოს ბანკის" ფილიალი დააყაჩაღეს.
• 2018 წლის  2 მაისს ძარცვა მოხდა ოქროს ლომბარდში. 
• 2018 წლის 16 მაისს „ლიბერთი ბანკის“  ფილიალში შეიჭრნენ და იარაღის მუქარით  დიდი ოდენობით ფული გაიტაცეს.  
• 2018 წლის 29 მაისს გლდანში "ლიბერთი ბანკი" გაძარცვეს.  
• 2019 წლის 19 აპრილს "ლიბერთი ბანკის" ვარკეთილის ფილიალი დააყაჩაღეს თავდასხმის დროს 2 ადამიანი დაშავდა. თავდამსხმელებმა დაშავებულს დაზიანება ბლაგვი საგნის ჩარტყმით მიაყენეს, ასევე მათ ბანკში ხელნაკეთი ყუმბარა შეაგდეს. 
• 2020 წელის 25 ივნისს შეიარაღებულმა პირებმა ფონიჭალაში "საქართველოს ბანკის" სერვისცენტრიდან 18 ათას ლარზე მეტი გაიტაცეს. თავდამსხმელები "პისტოლეტებით" იყვნენ შეიარაღებული.  
• 2020 წლის 22 სექტემბერს ერთ-ერთი ყველაზე მასშტაბური ძარცვა მოხდა 2020 წლის 22 სექტემბერს. ქუთაისში მიკროსაფინანსო ორგანიზაციაში სარდაფიდან შეიპარნენ და დაახლოებით მილიონი ლარი წაიღეს.  

შეძლებენ თუ არა "ოცნების" ძალოვანი უწყებები სიტუაციის მართვას, შეძლებენ თუ არა კრიმინალების შეჩერებას, იმ კრიმინალების, რომლებთანაც საარჩევნოდ ივანიშვილის გუნდი ყველაზე აქტიურად თანამშრომლობს.