არა ბიძინა ივანიშვილს - "ნაციონალური მოძრაობა" დღეს თბილისში შემაჯამებელ აქციას მართავს
გამოქვეყნდა:
''არა ბიძინა ივანიშვილს!'' - "ნაციონალური მოძრაობა - გაერთიანებული ოპოზიცია" დღეს, 29 ოქტომბერს, თბილისში შემაჯამებელ აქციას მართავს. აქცია საღამოს 6 საათზე დაიწყება. სამზადისი კი თბილისის მთავარ მოედანზე ამ წუთებში მიმდინარეობს.
ენმ-ს ლიდერის, ზაალ უდუმაშვილის თქმით, თავისუფლების მოედანზე იკრიბებიან, რადგან კიდევ ერთხელ გააგონონ თავიანთი ხმა ბიძინა ივანიშვილს.
"დღეს აქ ველოდებით უამრავ ადამიანს, 10-ათასობით ადამიანს და არა მხოლოდ ნაციონალური მოძრაობის მხარდამჭერებს, არამედ ყველას, ვინ ელოდება ცვლილებებს ქვეყანაში და ამ ცვლილებებს თავად შექმნის 31 ოქტომბერს, როცა არჩევნებზე მივა", - თქვა ზაალ უდუმაშვილმა.
უდუმაშვილის თქმით, აქციაზე დასასწრებად კოლონები რეგიონებიდანაც დაიძვრებიან.
