იტალია წითელ ზონად გამოცხადდა - კორონავირუსით ინფიცირებამ საგანგაშო ნიშნულს მიაღწია
გამოქვეყნდა:
კორონავირუსის მასშტაბური გავრცელების გამო იტალია წითელ ზონად გამოცხადდა. ქვეყნის პრემიერ მინისტრის გადაწყვეტილებით, 14 პროვინცია დაიკეტა და 16 მილიონი ადამიანი კარანტინშია მოთავსებული. აკრძალულია მოგზაურობა და დაკეტილი რეგიონების დატოვება.
- ბოლო 24 საათის განმავლობაში ქვეყნის ტერიტორიაზე კორონავირუსით 97 ადამიანი გარდაიცვალა.
- 1800-ზე მეტი ადამიანი დაინფიცირდა.
- იტალიაში "კოვიდ 19"-მა უკვე 463 ადამიანის სიცოცხლე იმსხვერპლა.
როგორც ქვეყნის პრემიერმა განაცხადა, ვირუსის გამო, ქვეყანაში ყველა მასშტაბური ღონისძიება გაუქმდა. არ გაიმართება საფეხბურთო ჩემპიონატები. ექიმები საგანგებო მდგომარეობაში არიან. მოსახლეობა ამბობს, რომ ქვეყანაში სრული კოლაფსია.
