აჭარის ჯანდაცვის სამინისტროს ინფორმაციით, ბათუმის სამედიცინო ცენტრში გასული 24 საათის განმავლობაში 39 წლის ქალი გარდაიცვალა.
უწყების ინფორმაციით, ის კლინიკაში 3 ნოემბერს შეიყვანეს და 6 ნოემბერს გარდაიცვალა.
"დიაგნოზი/ანამნეზი: კოვიდ19, მწვავე პნევმონია, სუნთქვის მწვავე უკმარისობა, შოკი დაუზუსტებელი, ესენციური ჰიპერტენზია. ვირუსი დაუდასტურდა 04.11.2020", - წერია სამინისტროს განცხადებაში.
ჯამში გასული 24 საათის განმავლობაში აჭარაში 4 პაციენტი გარდაიცვალა, მთლიანად საქართველოში კი 18.
7 ნოემბერს საქართველოში კორონავირუსის 2 859 ახალი შემთხვევა დადასტურდა, 2 754 ადამიანი გამოჯანმრთელდა, ხოლო 18 პაციენტი გარდაიცვალა.
შემთხვევების რეგიონალური განაწილება სრულად შეგიძლიათ ნახოთ აქ.
ბოლო მონაცემებით საქართველოში:
- კორონავირუსით ინფიცირებულია - 54 852;
- გამოჯანმრთელებულია - 39 773;
- მათ შორის გარდაცვლილია - 441;
- კარანტინის რეჟიმში რჩება - 3 015;
- კოვიდ სასტუმროში მყოფი პირები - 2 599;
- სტაციონარში მეთვალყურეობის ქვეშ - 4 670;
- მათ შორის საქართველოში უცხოეთიდან სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
ბოლო მონაცემებით, მსოფლიოში ინფიცირებულთა საერთო რაოდენობამ 49 მილიონს გადააჭარბა, მათგან გამოჯანმრთელდა თითქმის 35 მილიონი ადამიანი და გარდაიცვალა 1,2 მილიონზე მეტი.
