ისნის საოლქო-საარჩევნო კომისიის თავმჯდომარის, თედო გობეჯიშვილის გარდაცვალების ფაქტზე შინაგან საქმეთა სამინისტრომ გამოძიება თვითმკვლელობამდე მიყვანის მუხლით დაიწყო.
უწყებაში ამბობენ, რომ გამოძიება სისხლის სამართლის კოდექსის 115-ე მუხლით მიმდინარეობს.
შეგახსენებთ, რომ დღეს, 7 ნოემბერს დილით ისნის საოლქო კომისიის თავმჯდომარე გარდაცვლილი იპოვეს. ერთ-ერთი ვერსიით, მიზეზი გულის შეტევაა. ცხედარი ამ დროისთვის პროზექტურაშია გადასვენებული და დამატებითი დეტალები ჯერ უცნობია.
"ქართულმა ოცნებამ" მომხდარი "ერთან ნაციონალურ მოძრაობას" დაუკავშირდა. ამ თემაზე დღეს, 7 ნოემბერს ბრიფინგი, გიორგი ხელაშვილმა გამართა და თქვა, რომ გობეჯიშვილზე გუშინ ზეწოლა მოხდა და "ნაციონალური მოძრაობის" აქტივისტები რამდენიმე საოლქო საარჩევნო კომისიის თავმჯდომარეს რეპრესიებით ემუქრებოდნენ.
