მაიკ პომპეოს საქართველოში ვიზიტს, აშშ-ს ყოფილი ელჩი საქარველოში, იან კელი ტვიტერით ეხმაურება და შეცდომას უწოდებს, რომ აშშ-ს სახელმწიფო მდივანი სადავო საპარლამენტო არჩევნების შემდეგ, ოპოზიციას არ ხვდება.
პომპეო საქართველოშია - ქვეყანაში, სადაც არჩევნების შედეგები სადავოა. ის მხოლოდ ხელისუფლებას ხვდება. ეს შეცდომაა - წერს იან კელი.
მაიკ პომპეო თბილისში დღეს საღამოს, თურქეთიდან ჩამოდის. ოფიციალურ შეხვედრებს ის ხვალ დაიწყებს. აშშ-ს სახელმწიფო მდივანი საქართველოს პრეზიდენტს, პრემიერს, პატრიარქს და არასამათავრობოებს შეხვდება.
