საქართველოში ბოლო 24 საათში კორონავირუსისგან უფრო მეტი ადამიანი გამოჯანმრთელდა, ვიდრე დაინფიცირდა
გამოქვეყნდა:
დღევანდელი, 30 ნოემბრის მონაცემებით, საქართველოში კორონავირუსისგან კიდევ 3 937 ადამიანი გამოჯანმრთელდა და ქვეყანაში მათი საერთო რაოდენობა 113 986 გახდა.
აქვე - ბოლო 24 საათში საქართველოში კორონავირუსის 3 216 ახალი შემთხვევა გამოვლინდა. ეს კი იმას ნიშნავს, რომ დღე-ღამის განმავლობაში ინფიცირებულთა რაოდენობა გამოჯანმრთელებულთა რიცხვზე ნაკლებია.
ასევე შეგახსენებთ, რომ დღევანდელი მონაცემებით დამატებით 37 ადამიანი გარდაიცვალა.
Stopcov.ge-ს მონაცემების მიხედვით, საქართველოში:
- კორონავირუსით ინფიცირებულია - 135 584
- გამოჯანმრთელებულია - 113 986
- გარდაცვლილია - 1 267
- კარანტინის რეჟიმში რჩება - 2 104
- კოვიდ სასტუმროში მყოფი პირები - 3 857
- სტაციონარში მეთვალყურეობის ქვეშ - 6 383
- მათ შორის საქართველოში უცხოეთიდან სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
ბოლო მონაცემებით, მსოფლიოში ინფიცირებულთა საერთო რაოდენობამ 63 მილიონს გადააჭარბა მათგან გამოჯანმრთელდა 43 მილიონი ადამიანი და გარდაიცვალა 1,4 მილიონზე მეტი.
