მე წამოვწვე მხარ-თეძოზე და თუ ფულს არ მაძლევ რეპრესიაა?-მაჭავარიანი პარტიების დაფინანსებაზე

ერთპარტიულ პარლამენტში "ქართულმა ოცნებამ" უკვე დაარეგისტრირა პარტიების დაფინანსების შესახებ კანონპროექტი, რომლის მიხედვით, სახელმწიფო ბიუჯეტიდან დაფინანსებას ვერ მიიღებს პარტია, რომელიც პარლამენტში არ შევა.

ოპოზიციის მოსაზრებას, რომ ეს ყველაფერი რეპრესიებია, ფინანსთა მინისტრობის კანდიდატი არ ეთანხმება:

როდესაც არის დესტრუქციის ესეთი ხარისხი, როდესაც არის მიუღებლობა ყოველგვარი კონსენსუსის და მიღწევის და გადაყვანის ამის კონსტრუქციულ გარემოში, ამ დროს რა არის რეპრესია? მომეცი ფული და მე წამოვწვე მხარ-თეძოზე და თუ ფულს არ მაძლევ რეპრესიაა? - ამბობს ფინანსთა მინისტრობის კანდიდატი ივანე მაჭავარიანი 

შეგახსენებთ, რომ 17 დეკემბერს, ირაკლი კობახიძემ განცხადება გააკეთა ახალ კანონპროექტზე და თქვა, რომ კანონპროექტით გათვალისწინებული შეზღუდვები შეეხება პარტიებს, რომლებიც:

• სრულად არ ითვისებენ საპარლამენტო მანდატებს, ან არასაპატიო წესით აცდენენ პარლამენტის პლენარულ სხდომებს.
• პარტიას, რომლის წევრებსაც საპარლამენტო მანდატები შეუწყდებათ, სახელმწიფო დაფინანსება შეუწდებათ ან ერთი წლით შეუჩერდებათ.
• იგივე  პარტიები ვერ ისარგებლებენ მუნიციპალური და საპარლამენტო არჩევნებისთვის განკუთვნილი უფასო საეთერო დროით.
• რეგლამენტში შესატანი ცვლილება ითვალისწინებს შრომის ანაზღაურების განულებას იმ პარლამენტის წევრებისთვის, რომლებიც თვის განმავლობაში არცერთ პლენარულ სხდომას არ დაესწრებიან.