საზ.ტრანსპორტის გახსნაზე მას შემდეგ შეიძლება ვიფიქროთ, რაც დადებითობის მაჩვენებელი 5%-ს ჩამოცდება - გაბუნია
გამოქვეყნდა:
ჯანდაცვის მინისტრის მოადგილე ამბობს, რომ საზოგადოებრივი ტრანსპორტის გახსნაზე ფიქრი მხოლოდ მას შემდეგ შეიძლება, რაც დადებითობის მაჩვენებელი 5%-ს ჩამოცდება.
როდესაც დავინახავთ, რომ შემთხვევების რაოდენობა იკლებს, დადებითობის მაჩვენებელი ჩამოცდა 5%-ს, უკვე შეგვიძლია მაღალი საზოგადოებრივი აქტივობის საქმიანობების უსაფრთხო გახსნაზე ვისაუბროთ - ამბობს გაბუნია.
მისივე თქმით, მომდევნო ორი კვირაში გამოჩნდება, რისი გახსნის საშუალება მიეცემა ხელისუფლებას.
შეგახსენებთ, გასული წლის 28 ნოემბრის შემდეგ, ქვეყანაში საზოგადოებრივი ტრანსპორტი არ მოძრაობს.
დაწესებული შეზღუდვები ხელისუფლებამ 1 თებერვლამდე გაახანგრძლივა.
პარალელურად კი ქვეყნდება არასამთავრობოების პეტიცია, 1 თებერვლიდან, ტრანსპორტის აღდგენის მოთხოვნით.
