ნაგვის ურნის თავზე ჩამოცმა არ ჯდება გამოხატვის თავისუფლების ფარგლებში - ნინო ლომჯარია
გამოქვეყნდა:
"პირისთვის ნაგვის ურნის თავზე ჩამოცმა არ ჯდება გამოხატვის თავისუფლების ფარგლებში! არ შეიძლება ძალადობის წახალისება ან გამართლება!" - ასე ეხმაურება სახალხო დამცველი ნინო ლომჯარია ბათუმში,
აქციაზე მომხდარ ფაქტს, სადაც სამოქალაქო აქტივისტებმა, ოპოზიციის სიით აჭარის უმაღლეს საბჭოში შესულ დეპუტატს, თავზე ნაგავი დააყარეს.
"გამოხატვის თავისუფლებით დაცული არ არის პროტესტის გამოხატვის ისეთი ფორმა, რაც არღვევს პირის ფიზიკურ ხელშეუხებლობას და უსაფრთხოებას. პირისთვის ნაგვის ურნის თავზე ჩამოცმა არ ჯდება გამოხატვის თავისუფლების ფარგლებში! არ შეიძლება ძალადობის წახალისება ან გამართლება!" , - წერს ნინო ლომჯარია
შეგახსენებთ, რომ შემთხვევა, რომელსაც ომბუდსმენი ეხმაურება, დღეს, 23 იანვარს, ბათუმში მოხდა. სამოქალაქო აქტივისტებმა აქციაზე მისულ დეპუტატს, ირაკლი ჩავლეიშვილს, თავზე ნაგავი დააყარეს და შეძახილებით "მონა", "მოღალატე" დაატოვებინეს ტერიტორია.
ცნობისთვის, ირაკლი ჩავლეიშვილი აჭარის უმაღლეს საბჭოში გაერთიანებული ოპოზიციის სიით მოხვდა. მოგვიანებით, ის გამოეყო ოპოზიციას და მოირგო სადეპუტატო მანდატი. ირაკლი ჩავლეიშვილი შეკრებილებმა შეძახილებით "მონა", "მოღალატე" გააცილეს.
