ჩვენთან ერთად მოიპოვეთ თავისუფლება!
გაყალბების გასაპროტესტებლად და ვადამდელი არჩევნების მოთხოვნით აქციები გრძელდება საქართველოს რამდენიმე ქალაქში.
ბათუმში კი პროტესტს ბევრად უფრო მასშტაბური და აქტიური ფორმა აქვს. აქციები აერთიანებს სხვადასხვა პროფესიის და ასაკის ადამიანებს და მათი უმრავლესობა ახალგაზრდები არიან.
ბათუმის თავისუფლების კვარტალში არჩევნების შემდეგ პროტესტი არ შეწყვეტილა და ის არ არის ლოკალიზებული მხოლოდ ერთ პატარა წერტილში. მისი მონაწილეები ქალაქის სხვადასხვა უბანში სისტემატურად მართავენ გამოსვლებს და პერფორმანსებს.
ზოგჯერ კი საერთოდ სხვა ქალაქებშიც მიდიან და იქაურ აქციას უერთდებიან.
