საქართველოს პარლამენტის ყოფილი წევრი, დავით დარჩიაშვილი, დავითგარეჯის საქმეზე, პროკურატურაში დაიბარეს, - ინფორმაციას თავად დარჩიაშვილი "ფეისბუქზე" ავრცელებს.
"მიბარებენ პროკურატურაში გარეჯის საქმეზე. ვაპირებ ავუხსნა, რომ ესაა ვიშინსკის სტილის საქმე: აი, ძველ სპეცებს მრეწველობაში რომ საბოტაჟს აბრალებდნენ კომუნისტების შეკვეთით, ისეთი", - წერს დავით დარჩიაშვილი.
შეგახსენებთ, დავითგარეჯის საქმეზე ბრალდებული კარტოგრაფები ნატალია ილიჩოვა და ივერ მელაშვილი სასამართლომ 29 იანვარს, გირაოს სანაცვლოდ გაათავისუფლა, საქმეზე გამოძიება კი ისევ გრძელდება.
