Twitter-მა აფხაზეთში რუსეთის საელჩოს ანგარიში ჯერ დაადასტურა, კრიტიკის შემდეგ კი გააუქმა
გამოქვეყნდა:
Twitter-მა ოკუპირებულ აფხაზეთში რუსეთის საელჩოს ანგარიშს ჯერ ვერიფიკაცია მიანიჭა და ლურჯი ემბლემით აღნიშნა, ხოლო მას შემდეგ, რაც ამ ფაქტს ძირითადად, საქართველოს მოქალაქე ემიგრანტებისგან კრიტიკა მოჰყვა, გვერდი საერთოდ გააუქმა.
ამ დროისთვის ვებგვერდზე: "რუსეთის საელჩო აფხაზეთის რესპუბლიკაში", twitter-ის ემბლემაზე დაკლიკების შემდეგ მომხმარებელი სისტემას არა აფხაზეთში რუსეთის საელჩოს, არამედ რუსეთის საგარეო საქმეთა სამინისტროს ოფიციალურ ანგარიშზე გადაჰყავს.
