დიდთოვლობის გამო, ამ დროისთვის, საზოგადოებრივი უსაფრთხოების მართვის ცენტრ 112-დან, სხვადასხვა სახის დახმარებისთვის მთელი საქართველოს მასშტაბით 140 შეტყობინება შემოვიდა. ინფორმაციას ამის შესახებ შინაგან საქმეთა სამინისტროს საგანგებო სიტუაციების მართვის სამსახური ავრცელებს.
მათი ცნობით, მეხანძრე-მაშველები უწყვეტ რეჟიმში აგრძელებენ მოქალაქეების დახმარებას.
"სამაშველო სამსახური ყველა მათგანზე რეაგირებს. გამოძახებების უმრავლესობა მოტეხილ ხის ტოტებს და თოვლში ჩარჩენილ ავტომობილებს ეხება. ამ შემთხვევების შედეგად არავინ დაშავებულა, დაზიანდა 26 ავტომობილი. ასევე, დაფიქსირდა შემთხვევები, როცა მოტეხილმა ხის ტოტებმა დააზიანა ელ. სადენები.
დიდთოვლობამ ავტობუსის გაჩერების, მოქალაქეთა მოსაცდელი წააქცია წყნეთში. შედეგად დაზიანება მიიღო არასრულწლოვანმა, თუმცა ის კონტაქტურ მდგომარეობაში შესაბამის სამედიცინო დაწესებულებაში გადაიყვანეს.
ამ დროისთვის, შინაგან საქმეთა სამინისტროს საგანგებო სიტუაციების მართვის სამსახურში დამატებითი ცვლის გამოყვანის აუცილებლობა არ დამდგარა"- ნათქვამია განცხადებაში.
ცნობისთვის, ინტენსიური თოვის, დაბალი ტემპერატურისა და ლიპყინულის გამო საავტომობილო გზებზე შეზღუდვები დაწესდა. დედაქალაქის მერმა პარალიზებულ ქალაქზე საუბრისას თქვა, რომ ვისაც ზამთრის საბურავები არ აქვთ, მოძრაობისგან თავი უნდა შეიკავონ.
ამავე თემაზე:
- კონკრეტულ მონაკვეთებზე გადაადგილება შეიზღუდა - რა ხდება გზებზე
- "ავტობუსს ვერ ვძრავ..." - პარალიზებული თბილისი და მოუმზადებელი მერია
- ვისაც ზამთრის საბურავები არ გაქვთ, მოძრაობისგან თავი შეიკავეთ - კალაძე, თბილისში საცობებზე
- საავტომობილო გზებზე შეზღუდვებია - სად აიკრძალა მოძრაობა
- ავტობანზე ტექნიკური მარილი არ ყრია - წეროვანთან მანქანები მოცურდა
