ადა მარშანიამ "პატრიოტთა ალიანსი" დატოვა. ამის შესახებ მან ინფორმაცია Facebook-ზე გაავრცელა.
"ძვირფასო მეგობრებო, გაცნობებთ, რომ მივიღე გადაწყვეტილება დავტოვო პარტია "საქართველოს პატრიოტთა ალიანსი", რომლის ერთ-ერთი დამფუძნებელი ვარ", - წერს ადა მარშანია.
განცხადებაში მარშანია აღნიშნავს, რომ გადაწყვეტილება სულ უფრო მზარდი პოზიციათა განსხვავებების გამო მიიღო.
"ბატონო დავით, პოზიციათა სულ უფრო მზარდი განსხვავებების გამო, გადავწყვიტე დავტოვო პარტია, რომლის ერთ-ერთი დამფუძნებელი ვარ", - აღნიშნულია წერილში.
განცხადება 16 თებერვლითაა დათარიღებული.
