ჩვენთან ერთად მოიპოვეთ თავისუფლება!
შსს დღეს, პარლამენტის წინ განვითარებულ მოვლენებთან დაკავშირებით, რა დროსაც პოლიტიკური პარტიის წევრები და სამოქალაქო აქტივისტები დააკავეს, განცხადებას ავრცელებს:
დღეს, საკანონმდებლო ორგანოსთან მიმდინარე სხვადასხვა საპროტესტო აქციაზე, სამართალდამცველებმა ადმინისტრაციულ სამართალდარღვევათა კოდექსის 173-ე მუხლის (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) საფუძველზე 25 პირი დააკავეს.
არაერთი მოწოდებისა და გაფრთხილების მიუხედავად, აქციის მონაწილეები არ დაემორჩილნენ შინაგან საქმეთა სამინისტროს წარმომადგენლების კანონიერ მოთხოვნას, გააგრძელეს მართლსაწინააღმდეგო ქმედება, რის შემდეგაც მოხდა მათი დაკავება.
შინაგან საქმეთა სამინისტრო მოუწოდებს აქციის ორგანიზატორებსა და მონაწილეებს, დაიცვან საზოგადოებრივი წესრიგი, თავი შეიკავონ მძიმე პროვოკაციული ქმედებებისგან, პოლიციელების სიტყვიერი შეურაცხყოფისგან და დაემორჩილონ სამართალდამცველთა კანონიერ მოთხოვნებს.
სამართალდარღვევის ნებისმიერი ფაქტი პოლიციის მიერ, კანონის ფარგლებში, დაუყოვნებლივ იქნება აღკვეთილი." ნათქვამია განცხადებაში.
უწყების ინფორმაციით, ყველა დაკავებული გამოკითხვის შემდეგ, ხელწერილით გათავისუფლდა.
"ღარიბაშვილის მეორე ერა დაიწყო" - დაკავებული და გათავისუფლებული აქტივისტები
