ნიახური - ღარიბაშვილის მეორედ მოსვლის სიმბოლო და დაკავებები პარლამენტთან
გამოქვეყნდა:
რუსული ღუმელი და აქცია - პერფორმანსი პარლამენტთან - ირაკლი ღარიბაშვილისა და მისი კაბინეტის დამტკიცება აქციის ფონზე მიმდინარეობს.
საკანონმდებლო ორგანოსთან ცოტა ხნის წინ ხმაური იყო. პოლიციამ სამოქალაქო აქტივისტს რკინის ბარიკადებზე -რუსეთი ოკუპანტია - ამ წარწერის გაკეთების საშუალება არ მისცეს და ევროპული საქართველოს ახალგაზრდული ფრთის წარმომადგენელი დააკავეს.
"მეორედ მოსვლა" - ამ სახელწოდების საპროტესტო აქციას, პარლამენტთან "მოძრაობა სირცხვილია" და მოძრაობა "საქართველოსთვის" წევრებიც მართავენ.
სამოქალაქო აქტივისტები ამბობენ რომ ღარიბაშვილის მთავრობის დამტკიცება აბსურდია და შექმნილი ვითარებიდან ერთადერთი გამოსავალი ვადამდელი არჩევნებია.
შსს-ს განმარტებით, "ევროპული საქართველოს" წარმომადგენელი, 173-ე მუხლით, ადმინისტრაციული სამართალდარღვევისთვისაა დაკავებული.
