ოპოზიციური პარტიების წარმომადგენლებისა და ელჩების შეხვედრის დაწყებამდე კარლ ჰარცელმა მოკლე კომენტარი გააკეთა. ევროკავშირის ელჩი საქართველოში ფიქრობს, რომ ახლა მთავარი პოლიტიკური კრიზისიდან თავის დაღწევაა.
"მთავარი საკითხებია დეესკალაცია, მოლაპარაკებებთან დაბრუნება, დაძაბულობის განმუხტვა. ვითარება შემაშფოთებელია. ბოლო 24 საათში ძალიან ბევრი მეგობრისა და პარტნიორის ხმა გავიგეთ. ესაა ერთ-ერთი მიზეზი რატომაც ვმასპინძლობ სტუმრებს, ვსაუბრობთ სხვადასხვა საკითხზე, მათ შორის ჩემს, როგორც ფასილიტატორის როლზე. მოუთმენლად ველით საუბრის გაგრძელებას", - ამბობს ჰარცელი.
ცნობისთვის, შეხვედრა ამ წუთებში მიმდინარეობს.
