მეთიუ ბრაიზა: მართლმსაჯულება იმისკენაა, ვინც დემოკრატიის მხარეს დგას - სწორედ ამას გულისხმობდა ვარდების რევოლუცია

"NATO მხოლოდ კარგად ფუნქციონირებადი დემოკრატიის მქონე ქვეყნებისგან შედგება, ერთადერთი გამარჯვებული ახლა რუსეთია" - ამის შესახებ ამერიკელმა დიპლომატმა და სახელმწიფო დეპარტამენტის ყოფილმა მაღალჩინოსანმა, მეთიუ ბრაიზამ, გადაცემა "ღამის მთავარში" ისაუბრა.

"მნიშვნელოვანია, რომ ახლა გაერთიანებულმა ოპოზიციამ მოიფიქროს, როგორი მექანიზმით შეუძლია პარლამენტის ფუნქციონირების უზრუნველყოფა. თავის მხრივ, აშშ-ის საელჩო ასახავს ვაშინგტონის თვალსაზრისს კრიზისთან დაკავშირებით. შესაძლოა, ბევრი ფიქრობს [საქართველოში], რომ არჩევნები იყო არასამართლიანი. მნიშვნელოვანია, რომ მთავრობა დაეთანხმოს ოპოზიციას, რომელსაც უნდა ჰქონდეს სტარტეგიული ხედვა", - ამბობს ბრაიზა.

აშშ-სა და საქართველოს სტარტეგიულ პარტნიორობაზე საუბრისას, მან თქვა, რომ "დროა, ამერიკის მთავრობამ იმოქმედოს". 

"პრეზიდენტ ბაიდენს ესმის საქართველოს მდგომარეობა. დარწმუნებული ვარ, იცის, რამდენად მნიშვნელოვანი მომენტია საქართველოს დემოკრატიაში... საჭიროა ახალი არჩევნების დანიშვნა. საქართველოს დემოკრატიული სისტემა მოუმწიფებელი ჩანს და ეს ბადებს შეკითხვებს, საქართველოს ინტიტუციები არიან კი საკამრისად ძლიერი იმისთვის, რომ NATO-ს წევრი გახდეს ქვეყანა?" 

ამასთან, მეთიუ ბრაიზა ფიქრობს, რომ "ახლაც კი მთავრობა ცდილობს დააშინოს ოპოზიცია, თუმცა ოპონენტებს სწორი გზით სვლა შეუძლიათ".

"მართლმსაჯულება იმისკენაა, ვინც დემოკრატიის მხარეს დგას - სწორედ ამას გულისხმობდა ვარდების რევოლუცია; პრეზიდენტმა შევარდნაძემ გაიგო ეს და უბრალოდ წავიდა.

ბაიდენის ადმინიტრაცია და ევროკავშირი სრულ მხარდაჭერას შემოგთავაზებენ, ამის მორალური ვალდებულება აქვთ", - ამბობს ბრაიზა.

მისი თქმით, "ოცნებასა" და ოპოზიციას შორის კავშირის ერთადერთი მისაღები ფორმა დიალოგია, რომელსაც "ემოციებმა გზა არ უნდა გადაუღობოს".