სახელმწიფო ინსპექტორის სამსახურის საგამოძიებო დეპარტამენტმა ზუგდიდში, დევნის ოპერაციის მიმდინარეობისას, შსს-ს თანამშრომლების მიერ, იარაღის გამოყენებით, სამსახურებრივი უფლებამოსილების სავარაუდო გადამეტების ფაქტზე გამოძიება დაიწყო.
გამოძიება სსკ-ს 333-ე მუხლის მე-3 ნაწილის „ბ" ქვეპუნქტით დაიწყო.
„სახელმწიფო ინსპექტორის სამსახურის საგამოძიებო დეპარტამენტის გამომძიებლების მიერ ამ ეტაპზე ტარდება პირველადი საგამოძიებო მოქმედებები - ექსპერტების მონაწილეობით მიმდინარეობს შემთხვევის ადგილის დათვალიერება და ნივთიერი მტკიცებულებების მოპოვება. ასევე, ხდება მოწმეთა იდენტიფიცირება მათი გამოკითხვისა და მათთან სხვა საჭირო საგამოძიებო/საპროცესო მოქმედებების ჩატარების მიზნით. დღესვე, დაინიშნება სამედიცინო ექსპერტიზა“ - ნათქვამია სახელმწიფო ინსპექტორის სამსახურის ინფორმაციაში.
ზუგდიდში სპეცოპერაცია დღეს მსხვერპლით დასრულდა. ოქროს ბირჟის დაყაჩაღებაში ბრალდებული
გარდაიცვალა.