პირველი გასვლითი აქცია მთავარი გამზირიდან ხვალ შედგება - სამიზნე ოლიგარქის სასახლე იქნება
გამოქვეყნდა:
"მოძრაობა საქართველოსთვის წევრის, ლაშა ხუსკივაძის თქმით, ხვალიდან, 1 მარტიდან სამოქალაქო აქტივისტები ე.წ. გასვლით აქციებს დაიწყებენ. როგორც ხუსკივაძემ თქვა, ხვალ 12:00 საათზე პირველი გასვლითი აქცია ბიძინა ივანიშვილის სახლთან იქნება.
"ადამიანებმა, რომლებიც 24 საათის განმავლობაში აპროტესტებენ მოპარულ არჩევნებს და პლიუს ამას მოითხოვენ პოლიტპატიმრების გათავისუფლებას, დღეს მივიღეთ გადაწყვეტილება, პერმანენტულად დავიწყოთ ე.წ. გასვლითი აქციები.
ხვალ 12:00 საათზე ბიძინა ივანიშვილის სასახლესთან გვექნება პირველი გასვლითი აქცია, სადაც ივანიშვილს შევახსენებთ, რომ ყველა იმ უბედურების სათავე, რაც დღეს საქართველოში ხდება, არის სწორედ ის და სწორედ ის არის ამ ყველაფერზე პასუხისმგებელი",-თქვა ლაშა ხუსკივაძემ.
შეგახსენებთ, საკანონმდებლო ორგანოსთან პროტესტი 24 საათის განმავლობაში უკვე მეორე ღამეა მიმდინარეობს. სამოქალაქო აქტივისტები და ოპოზიციური პარტიის წევრები პოლიტპატიმრების გათავისუფლებასა და რიგგარეშე არჩევნების ჩატარებას მოითხოვენ.
