მაღლაფერიძე "მთავარი არხის" ჟურნალისტს შეურაცხყოფას აყენებს და "ოდნავ ჩლუნგად" მოიხსენიებს
გამოქვეყნდა:
"საზოგადოებრივი მაუწყებლის" ყოფილი გენერალური დირექტორი და "ქართული ოცნების" თავმჯდომარის უკვე ყოფილი მოადგილე, ვასილ მაღლაფერიძე "მთავარი არხის" ჟურნალისტს შეურაცხყოფას აყენებს და "ოდნავ ჩლუნგად" მოიხსენიებს.
"მთავარის" ჟურნალისტი მირეკავს და მეკითხება, თქვენი წასვლა რით იყო განპირობებულიო?! ვპასუხობ, ჯანმრთელობის მდგომარეობით, საავადმყოფოში ვარ-მეთქი. ფარულ ჩანაწერებზე რას იტყვით, ამას ხომ არ უკავშირდება თქვენი წასვლაო?! მე ვპასუხობ, ფარულ ჩანაწერებს რაც შეეხება, ვინც ჩაიწერა და დაამონტაჟა, თახსირია, მაგრამ მე სასწრაფოდ დამჭირდა ოპერაცია და ამისთვის ვემზადები-მეთქი. ეგ კიო და იწყებს თავიდან იგივეს, მეც მეათედ ვუყევები ჩემი ოპერაციის შესახებ და ექთანს ეგონა, ჩემი ჯანმრთელობით ნამეტანი შეწუხებული მაგრამ ოდნავ ჩლუნგი გულშემატკივარი მირეკავდა და მკითხა, მე ხომ არ ავუხსნაო?! " - წერს მაღლაფერიძე.
მისივე თქმით, "თლათ" ისე არ უნდა ვქნათ, რომ ჟურნალისტის ხსენებაზე ადამიანს ჟრუნატელი უვლიდეს.
შეგახსენებთ, რომ თანამდებობის დატოვების შესახებ მაღლაფერიძემ განცხადება დღეს, 8 მარტს გაავრცელა, მან მიზეზად ჯანმრთელობის მდგომარეობა დაასახელა.
