ჟურნალისტებზე ძალადობის სასწრაფო გამოძიებას მოვითხოვთ - "კოალიცია მედიის ადვოკატირებისთვის"
გამოქვეყნდა:
ჩვენთან ერთად მოიპოვეთ თავისუფლება!
არასამთავრობო ორგანიზაცია, "კოალიცია მედიის ადვოკატირებისთვის" მარტვილში ჟურნალისტებსა და ოპერატორებზე განხორციელებული ძალადობის სასწრაფო და ეფექტურ გამოძიებას მოითხოვს.
მათი შეფასებით, ფაქტები დანაშაულის ნიშნებს შეიცავს და მოუწოდებენ შინაგან საქმეთა სამინისტროს შესაბამისი რეაგირებით შეაჩეროს მედიაზე გახშირებული თავდასხმები.
"მივმართავთ საქართველოს შინაგან საქმეთა სამინისტროს დროული რეაგირებით შეისწავლოს ჟურნალისტურ საქმიანობაში უკანონოდ ხელშეშლის და სხეულის დაზიანების ფაქტები. სწრაფი და ეფექტიანი გამოძიებით შეაჩეროს მედიაზე გახშირებული თავდასხმები", - წერს "კოალიცია მედიის ადვოკატირებისთვის".
არასამთავრობო ორგანიზაციების წარმომადგენლები აცხადებენ, რომ სხეულის დაზიანების გარდა, გავრცელებული კადრებიდან ჩანს, თუ როგორ უშლიდნენ ხელს სასულიერო პირები ჟურნალისტებს პროფესიული მოვალეობის შესრულებას. სწორედ ამიტომ მიმართავენ საგამოძიებო უწყებას, დროულად შეისწავლოს ჟურნალისტურ საქმიანობაში უკანონოდ ხელშეშლის და სხეულის დაზიანების ფაქტები.
ევროპული მარში რესპუბლიკის მოედნიდან | მთავარის საგანგებო ეთერი
უყურეთ ბოლო გამოშვებას
