ჩვენთან ერთად მოიპოვეთ თავისუფლება!
"ერთიანი ნაციონალური მოძრაობის" წევრი კობა ნაყოფია პარტიის ოფისზე განხორციელებულ თავდასხმასა და სროლას ეხმაურება და ამბობს, რომ მსგავსი ქმედებები მმართველი გუნდის მხრიდანაა წახალისებული.
მისივე თქმით, ეს არ არის პირველი თავდასხმა ოპოზიციაზე, ოპოზიციის ოფისზე, თუმცა აქამდე "ქართული ოცნების" ხელისუფლებას არც ერთი წინა შემთხვევა არ გამოუძიება, რამაც ძალადობა წაახალისა და დაუსჯელობის სინდრომი გააჩინა.
"პრაქტიკულად ეს არის ორგანიზებული ქართული ოცნების მიერ. მათი ლიდერების მხრიდან ეს არის წაქეზებული და მერე ამ ადამიანების მფარველობენ, იმიტომ რომ ეს ადამიანები არიან მათი ძირითადი აქტივი, ვინც მათ ეხმარება სხვადასხვა საქმეებში და მათ შორის, არჩევნებში ვითომ გამარჯვებაში",- ამბობს კობა ნაყოფია "დღის სტუმარში".
"ნაციონალური მოძრაობის" ოფისის შენობაზე გამოკრულ ნიკა მელიას ბანერს დღეს ესროლეს. შსს-მ გამოძიება სხვისი ნივთის დაზიანებისა და ცეცხლსასროლი იარაღის მართლსაწინააღმდეგო შეძენა-შენახვა-ტარების მუხლებით დაიწყო.
ახალგაზრდები ქაშვეთთან იკრიბებიან | მთავარის სპეც ეთერი
უყურეთ ბოლო გამოშვებას
