კომენდანტის გაუქმების მოთხოვნით დღეს, 14:00 საათზე კანცელარიასთან აქცია გაიმართება
გამოქვეყნდა:
კომენდანტის საათის გაუქმების მოთხოვნით დღეს, 21 მარტს თბილისში კიდევ ერთი აქცია გაიმართება. აქციის ორგანიზატორი მოძრაობა "სოცაფეთქებაა", მოქალაქეები 14:00 საათზე კანცელარიის შენობასთან შეიკრიბებიან.
ორგანიზატორების განცხადებით, აქციაზე შედგება საკონსტიტუციო სარჩელზე საჯარო ხელმოწერა. სარჩელს თავისუფლების ინსტიტუტი წარმართავს. აქციის ბოლოს ორგანიზატორები სამომავლო გეგმას და მთავრობისადმი ულტიმატუმს გააჟღერებენ.
საკონსტიტუციო სასამართლოში შესატანი სარჩელი მოიცავს შემდეგ სადავო სამართლებრივ აქტებს:
- საქართველოს კანონი საქართველოს ადმინისტრაციულ სამართალდარღვევათა კოდექსი;
- საქართველოს კანონი საქართველოს სისხლის სამართლის კოდექსი;
- საქართველოს კანონი საზოგადოებრივი ჯანმრთელობის შესახებ;
- საქართველოს მთავრობის 2020 წლის 23 მაისის N 322 დადგენილება "იზოლაციისა და კარანტინის წესების დამტკიცების შესახებ" (იზოლაციისა და კარანტინის წესები).
