კახი კალაძეს ვერტებრო-ბაზილარული სინდრომი არ დაუდასტურდა - ექიმი

გამოქვეყნდა:

თბილისის მერს, კახი კალაძეს ვერტებრო-ბაზილარული სინდრომი არ დაუდასტურდა მას  ე.წ. ვესტიბულოპათია აქვს. ამის შესახებ მედიასთან კარდეოლოგმა, პროფესორმა ზურაბ ფაღავამ განაცხადა.

"ვერტებრო-ბაზილარული სინდრომის შესახებ დიაგნოზი წინასწარ იყო გამოტანილი ერთ-ერთ კლინიკაში, რომელიც შემდგომი კვლევის შედეგად არ დადასტურდა. ის ატარებდა ე. წ სამუშაო ხასიათს. სახეზე გვაქვს არტერიული წნევის არასტაბილურობა. სწორედ ამ მიზეზის გამო, ის მოხვდა ჩვენს კარდიოლოგიურ კლინიკაში. მას აქვს ე.წ. ვესტიბულოპათია. ეს არის ცენტრი, რომელიც არეგულირებს ადამიანის წონასწორობას. აღნიშნული დარღვევები განპირობებულია მისი სპორტული წარსულით და დაძაბული შრომითი განრიგით", - განაცხადა ზურაბ ფაღავამ.

ექიმის თქმით, კახა კალაძე თავს ამჟამად უკეთესად გრძნობს, მას დამატებითი კვლევები უტარდება.

კახა კალაძემ გუშინ სოციალურ ქსელში დაწერა, რომ მას ვერტებრო-ბაზილარული სინდრომი და ვესტიბულოპათია დაუდასტურდა, სწორედ ამ მიზეზით არ ჩანდა აქტიურად.

მთავარი 15:00
უყურეთ ბოლო გამოშვებას

იხილეთ ჩვენს ეთერში

დღის მთავარი