ვადამდელი არჩევნები არ იქნება...პოლიტპატიმრები ჩვენს ქვეყანაში არ არსებობენ - ღარიბაშვილი
გამოქვეყნდა:
ვადამდელი არჩევნები ქვეყანაში არ იქნება - აცხადებს პრემიერმინისტრი კრისტიან დანიელსონის მეორე ვიზიტისა და მოლაპარაკებების მეორე რაუნდის დაწყების წინ.
მისი თქმით, ქვეყანაში ჩატარდა სამართლიანი არჩევნები და ეს აღიარა ყველა ავტორიტეტულმა საერთაშორისო ორგანიზაციამ:
"ამაზე საუბარი დავასრულეთ. მთელმა მსოფლიომ აღიარა ჩვენი არჩევნები და მოგვილოცა. რა არჩევნებზე მელაპარაკებით? რაც შეეხება დიალოგს, დიალოგი გრძელდება" ამბობს ღარიბაშვილი.
მისივე თქმით, ქვეყანას არც პოლიტპატიმრები ჰყავს:
პოლიტპატიმრები ჩვენს ქვეყანაში არ არსებობენ, ეს არსებობდა თქვენი ბელადის, სააკაშვილის დროს - მიმართა ღარიბაშვილმა "მთავარის" ჟურნალისტს, შესაბამის კითხვაზე პასუხისას.
