ჯერ ადრეა ამაზე საუბარი - კახი კალაძე 2021 წელს მერობის კანდიდატობაზე
გამოქვეყნდა:
თბილისის მერის, კახი კალაძის განცხადებით, ჯერ ადრეა იმაზე საუბარი იქნება თუ არა ის მერობის კანდიდატი 2021 წლის არჩევნებზე. ამ თემაზე მან ჟურნალისტებათან კომენტარი ცოტა ხნის წინ გააკეთა.
"ჯერ ადრეა ამაზე საუბარი, თვითმმართველობის არჩევნები შემოდგომაზეა. შესაბამისად, როდესაც იმის დრო მოვა, რომ დასახელდეს კანდიდატები არა მხოლოდ დედაქალაქში, არამედ მთელი ქვეყნის მასშტაბით, რა თქმა უნდა, პირველები ჩემგან და პარტიის თავმჯდომარისგან გაიგებთ", - თქვა კახი კალაძემ.
ცოტა ხნის წინ მედიაში გავრცელდა ინფორმაცია, რომ შესაძლოა კახი კალაძემ "ქართული ოცნება" დატოვოს და პოლიტიკიდან წავიდეს.
