აუცილებელია გამოძიება სახელმწიფო ინსპექტორმა წარმათოს - SJC მთავარის სიუჟეტზე

არასამთავრობო ორგანიზაცია "სოციალური სამართლიანობის ცენტრი" (ყოფილი EMC) "მთავარ არხზე" გასულ სიუჟეტს ეხმაურება, რომელშიც სასულიერო პირი სამართალდამცველების მხრიდან განხორციელებულ უკანონო ქმედებებზე საუბრობს, რასაც მის მიმართ უკანონო სისხლის სამართლებრივი დევნა მოჰყვა.

"აღნიშნული საქმის მნიშვნელობიდან და მასში პოლიციის მაღალჩინოსნების შესაძლო ჩართულობიდან გამომდინარე, უპირველეს ყოვლისა, აუცილებელია, მასზე გამოძიება აწარმოოს სახელმწიფო ინსპექტორის სამსახურმა, რომლის უმთავრესი კომპეტენცია სამართალდამცავთა მიერ ჩადენილი კონკრეტული დანაშაულების გამოძიებაა. ამავდროულად, გამოძიება უნდა წარიმართოს გამჭვირვალედ, სწრაფად და ეფექტიანად", - წერია განცხადებაში.

გავრცელებულ განცხადებაში აღნიშნულია, რომ წლებია ქვეყანაში მნიშვნელოვან პრობლემას წარმოადგენს.  სოციალური სამართლიანობის ცენტრი მოუწოდებს:

სახელმწიფო ინსპექტორის სამსახურს

• მიმართოს საქართველოს პროკურატურას დასაბუთებული წინადადებით, - მისი საგამოძიებო ქვემდებარეობისთვის მიკუთვნებული სისხლის სამართლის საქმის გამოსაძიებლად გადმოცემის შესახებ;

გენერალურ პროკურატურას

• დააკმაყოფილოს სახელმწიფო ინსპექტორის სამსახურის მიმართვა, მისი საგამოძიებო ქვემდებარეობისთვის მიკუთვნებული სისხლის სამართლის საქმის გამოსაძიებლად გადაცემის შესახებ;

საქართველოს პარლამენტს

• დაიწყოს მუშაობა სახელმწიფო ინსპექტორის სამსახურის გასაძლიერებლად. ინსპექტორის სამსახურის მანდატი უნდა გაფართოვდეს, სამსახურის კანონმდებლობით უნდა ჰქონდეს საკმარისი გარანტიები უწყებრივი დამოუკიდებლობისთვის.
• აუცილებელია, დანაშაულის ერთობლიობის შემთხვევებში, როდესაც ერთი საქმე მაინც ინსპექტორის ქვემდებარეა, საგამოძიებო სამსახური არ იყოს დამოკიდებული პროკურორის დისკრეციაზე და ჰქონდეს უპირატესი იურისდიქცია სრულად სისხლის სამართლის საქმეზე.

ამავე თემაზე: 

• "მთავარი არხის" სიუჟეტის შემდეგ, დმანისის პოლიციის უფროსი გადადგა
• "მთავარი არხის" სიუჟეტის შემდეგ, პროკურატურამ დმანისის პოლიციის მაღალჩინოსანს ბრალი წარუდგინა
• გამოხმაურება "მთავარი არხის" ჟურნალისტურ გამოძიებაზე - შსს-მ დმანისის სამმართველოს უფროსის მოადგილე დააკავა
• პატიმრობა შეკვეთილი ბრალდებით - რუის-ურბნისის ეპარქიის შემზარავი ისტორია