ნიკა მელიას თავისუფლებისთვის! - მელიებმა რუსთავის ციხესთან აქცია ჩანიშნეს
გამოქვეყნდა:
"ერთიანი ნაციონალური მოძრაობის" ახალგაზრდულმა ფრთამ, მელიებმა, სასამართლო სხდომის პარალელურად, რუსთავის მე-12 სასჯელაღსრულების დაწესებულებასთან ნიკა მელიას მხარდასაჭერი აქცია ჩანიშნეს.
ვინაიდან და რადგანაც, სასამართლო არ არის დამოუკიდებელი და ასრულებს მხოლოდ ბიძინა ივანიშვილისა და მასთან დაკავშირებული ადამიანების დაკვეთებს, გადავწყვიტეთ, მხარდასაჭერი აქცია-პერფორმანსი არა სასამართოს ეზოში, არამედ რუსთავის ციხესთან გავმართოთ, სადაც უკანონო პატიმარი, ნიკა მელია პოლიტიკური ნიშნით არის გამოკეტილი.
ვისაც გაქვთ სურვილი, შემოგვიერთდით, ერთად გავამხნევოთ ნიკა მელია რუსთავის მე-12 საპყრობილესთან და გავაგონოთ ჩვენი ხმა #224-ე საკანში გამოკეტილ ოპოზიციის ლიდერს. ვუთხრათ კიდევ ერთხელ, რომ პატივს ვცემთ მის გადაწყვეტილებას და მზად ვართ ვიბრძოლოთ მასთან ერთად საბოლოო გამარჯვებამდე. თავისუფლება პოლიტიკურ პატიმარს!, - წერენ მელიები.
ნიკა მელიას პროცესი საქალაქო სასამართლოში ხვალ, 29 აპრილს, 11:00 საათზე გაიმართება. მელიების აქცია კი რუსთავის ციხესთან 12:00 საათზე დაიწყება.
