17 წელი აჭარის რევოლუციიდან - საზოგადოების მასშტაბური პროტესტისა და აქციების ფონზე, აჭარის ავტონომიის ყოფილი მეთაური ასლან აბაშიძე იძულებული გახდა გადამდგარიყო და სწორედ 6 მაისს დატოვა საქართველო.
აბაშიძემ მინისტრთა კაბინეტთან ერთად, ვარდების რევოლუციით მოსულ ხელისუფლებას დაუმორჩილებლობა თავიდანვე გამოუცხადა, თუმცა მოვლენები მალევე დრამატულად განვითარდა.
რეგიონის შესასვლელთან აღმართული ჯებირები და ჩაკეტილი "საზღვარი" - აბაშიძემ აჭარა იზოლაციაში მოაქცია და რეგიონში შესვლა მხოლოდ საპასპორტო კონტროლის გავლის შემდეგ იყო შესაძლებელი.
თუმცა, ხალხის მწვავე პროტესტის შემდეგ, ის იძულებული გახდა ქვეყნიდან გაქცეულიყო.