"ეს არ არის ჩემთვის უბრალოდ ოფისი" - ნიკა მელია გათავისუფლების შემდეგ, პირველად მივიდა ენმ-ს ოფისში.
ოპოზიციური პარტიის ლიდერის თქმით, დღეიდან დაიწყება კონსულტაციები, როგორც გუნდის შიგნით, ისე კოლეგა ოპოზიციონერებთან - ვეცდებით 1 კვირაში მივიღოთ გადაწყვეტილება, რომელსაც ელოდება საზოგადოება - ამბობს ნიკა მელია.
საუბარია პარლამენტში შესვლისა და შარლ მიშელის დოკუმენტზე ხელმოწერის გადაწყვეტილებაზე.
ამ საკითხებზე ენმ-ს პოლიტსაბჭო იმსჯელებს, რომელიც სავარაუდოდ ხვალ გაიმართება.
ნიკა მელია თითქმის სამთვიანი პატიმრობის შემდეგ, გუშინ გაათავისუფლეს. მისი გირაო - 40 000 ლარი ევროკავშირმა 8 მაისს გადაიხადა.
