მიმდინარეობს გამოძიება... დაკავებული არავინაა, არცერთი პირი - შს მინისტრის მოადგილე დმანისზე
გამოქვეყნდა:
შინაგან საქმეთა მინისტრის მოადგილის, ალექსანდრე დარახველიძის განცხადებით, დმანისში განვითარებულ მოვლენებთან დაკავშირებით უწყებას ამ დრომდე არავინ დაუკავებია.
დარახველიძის თქმით, გამოძიება გრძელდება.
შსს-მ გუშინაც განმარტა და კიდევ ერთხელ გავიმეორებთ, რომ დმანისში მომხდარ ინციდენტთან დაკავშირებით, როგორც პირველ, ასევე გუშინ მომხდარ ფაქტებთან დაკავშირებით, დაწყებულია გამოძიება, მიმდინარეობს შესაბამისი ოპერატიულ-სამძებრო და ასევე საპროცესო მოქმედებები. დაკავებული არავინაა, არცერთი პირი. გუშინ რამდენიმე პირი გადაიყვანეს გამოკითხვაზე, თუმცა არ დაუკავებიათ. ისინი დაკითხვის შემდეგ გათავისუფლდნენ,-თქვა ალექსანდრე დარახველიძემ.
ცნობისთვის, "ქართული ოცნების" თავმჯდომარემ ირაკლი კობახიძემ დღეს, 18 მაისს, თქვა, რომ სამართალდამცველებმა ინციდენტის რამდენიმე მონაწილე დააკავეს.
