კონკრეტულ სისხლის სამართლის საქმეებზე მსჯელობისა და შეთანხმების მოწმე ვიყავი - ჩუგოშვილი
გამოქვეყნდა:
დამოუკიდებელი დეპუტატი თამარ ჩუგოშვილი საკუთარ ფეისბუქის გვერდზე განცხადებას ავრცელებს.
8 მარტის შეთანხმება საკონტიტუციო ცვლილებების გარდა გულისხმობდა კონკრეტულ სისხლის სამართლის საქმეებზე გარკვეული რეაგირების აუცილებლობას. მე ამ შეხვედრებში ვმონაწილეობდი, როგორც საარჩევნო სისტემით დაინტერესებული დეპუტატი და შესაბამისად, ვიყავი მოწმე კონკრეტულ სისხლის სამართლის საქმეებზე მსჯელობისა და შეთანხმების, - ვკითხულობთ განცხადებაში.
ჩუგოშვილის თქმით, მიზანი იყო არა ის, რომ რომელიმე დამნაშავეს თავიდან აეცილებინა მართლმსაჯულება, არამედ ის, რომ არჩევნებამდე პოლიტიკური ლიდერები და ტელევიზიების მფლობელები/მენეჯერები არ ყოფილიყვნენ ციხეში და საჭიროებისამებრ, მათი საქმეების განხილვა გაგრძელებულიყო არჩევნების შემდგომ.
დეპუტატი აცხადებს, რომ შეთანხმების ბოლო წინადადებაში მოხსენიებულია პრეზიდენტი და ეს ჩანაწერი გულისხმობდა უგულავას შეწყალებას. ასევე, საერთო მოლოდინი იყო ოქრუაშვილის და რურუას საპატიმრო აღმკვეთი ღონისძიებების შეცვლა არასაპატიმრო ღონისძიებებით.
მე თანამდებობა და უმრავლესობა დავტოვე საარჩევნო სისტემის ცვლილებების ჩაგდების გამო და დღემდე სწორედ ეს საკითხი რჩება მთავარ ინეტერესად, ვინაიდან ეს ცვლილებები ქვეყანაში ჯანსაღი პოლიტიკური პროცესის შესაქმნელად აუცილებელი მგონია, - ამბობს იგი.
თამარ ჩუგოშვილი ხელისუფლებას მიმართავს, რომ თუ ეს ცვლილებები ჩავარდება, მთავრობა პასუხისმგებლობს სხვისთვის გადაბრალებას ვეღარ შეძლებს.
