რიონის ხეობაში აქციის ორი მონაწილე დააკავეს - ამის შესახებ "რიონის ხეობის ერთ-ერთმა მცველმა" ვარლამ გოლეთიანმა "მთავარი არხის" ეთერში, გადაცემაში "მთავარი აქცენტები" ისაუბრა.
მისი თქმით, მიუხედავად წინააღმდეგობისა, ისინი პროტესტის შეწყვეტას არ აპირებენ.
სულ ცოტა ხნის წინ იყო შეხლა-შემოხლა პოლიციასთან. დაკავებულია ჩვენი ორი თანამებრძოლი. ყოველდღიურად ვართ ამ რეჟიმში, რაც დღეს ნახა ჩვენმა საზოგადოებამ, - ამბობს გოლეთიანი.
თუმცა, როგორც "მთავარი არხის" ვებგვერდს შსს-ში უთხრეს, ადმინისტრაციული სამართალდარღვევათა კოდექსით გათვალისწინებული სამართალდაღვევისთვის დაკავებულია 1 პირი.
გავრცელებული ინფორმაციით, დაკავებულია აქციის ერთ-ერთი ორგანიზატორი მაკა სულაძე. თუმცა, ჯერჯერობით ეს ინფორმაცია არ დასტურდება.
იხილეთ ასევე:
