დეოლიგარქიზაცია - უკრაინაში მიხეილ სააკაშვილის მომზადებულ კანონპროექტებს განიხილავენ
გამოქვეყნდა:
უკრაინის უშიშროების საბჭომ განიხილა მიხეილ სააკაშვილის მიერ მომზადებული კანონპროექტი საპროცესო გარიგებების შესახებ. გარდა ამისა, საქართველოს მესამე პრეზიდენტი მიიწვიეს მომხსენებლად ოლიგარქების შესახებ კანონის პრეზენტაციაზე.
დეოლიგარქიზაციის ახალი კანონი კრძალავს 80 მილიონ დოლარზე მეტის მფლობელებისათვის პოლიტიკაში ჩარევას და ბიზნესგარიგებების დადებას, აგრეთვე, პირად ურთიერთობებს პოლიტიკოსებთან.
უშიშროების საბჭომ განიხილა ჩვენს მიერ მომზადებული კანონპროექტი, საპროცესო გარიგებების შესახებ და ასევე, მიმიწვია მომხსენებლად დეოლიგარქიზაციის შესახებ კანონპროექტზე.
დეოლიგარქიზაციის კანონი კრძალავს გარკვეული თანხების მფლობელებისთვის, რა თქმა უნდა ამაში შედის ყველა მილიარდერი და ნებისმიერი ადამიანი, ვისაც აქვს 80 მილიონ დოლარზე მეტი, რომ მათ უკრძალავს პოლიტიკაში ჩარევას და მთელ რიგ ბიზნეს გარიგებების დადებას, პოლიტიკოსებს უკრძალავს მათთან პირად ურთიერთობებსაც კი.
დღეს პრეზიდენტ ზელენსკისთანაც შევთანხდით, რომ ამ კანონპროექტს, ასევე მოვაყოლებთ კანონების პაკეტს, რომელიც შეზღუდავს ჩინოვნიკებს თავის კორუფციულ საქმიანობაში და მართლა ანტიკორუფციულ რევოლუციას განვახორციელებთ უკრაინაში.
თავისთავად დეოლიგარქიზაციის კანონი არის ის, რაც თავის დროზე არ მივიღეთ საქართველოში და ამან ძალიან დაგვაზარალა და ამის შესახებ, დღეს ვუთხარი უკრაინის პრეზიდენტსაც და უშიშროების საბჭოს, სხვა წევრებსაც, მთავრობის ხელმძღვანელებს და პარლამენტის სპიკერატს - ამბობს მესამე პრეზიდენტი.
