უკრაინას მხოლოდ სწრაფი განვითარება გააერთიანებს - ამის შესახებ რეფორმების აღმასრულებელი საბჭოს თავმჯდომარემ უკრაინულ გადაცემაში ისაუბრა.
მიხეილ სააკაშვილის განცხადებით, უახლოეს დღეებში, პრეზიდენტის გუნდთან ერთად, მცირე და საშუალო ბიზნესის წარმომადგენლებთან შეხვედრა იგეგმება, სადაც სამომავლო გეგმებზე ისაუბრებენ.
სიტყვით გამოსვლისას საქართველოს მესამე პრეზიდენტმა აღნიშნა ისიც, რომ პრეზიდენტ ზელენსკის ყველაზე დიდი მიზანი ქვეყნის განვითარება და კორუფციის აღმოფხვრაა.
შეგახსენებთ, რომ საქართველოს მესამე პრეზიდენტი უკრაინის რეფორმების აღმასრულებელი საბჭოს თავმჯდომარედ შვიდ მაისს დაინიშნა.
